СВЯТО-ПОКРОВСКИЙ ДОБРЫЙ МОНАСТЫРЬ

СЕЛО ДОБРОЕ СУВОРОВСКОГО РАЙОНА ТУЛЬСКОЙ ОБЛАСТИ

НОВОСТИ И ОБЪЯВЛЕНИЯ


12 июля. Святых первоверховных апостолов Петра и Павла.

Молитва Апостолам Петру и Павлу.

«О преславнии апостоли Петре и Павле, души за Христа предавшии и кровию вашею пажить Его удобрившии! Услышите чад ваших молитвы и воздыхания, сердцем сокрушенным ныне приносимыя. Се бо беззаконьми омрачихомся и того ради бедами, якоже тучами, обложихомся, елеа же добраго жития обнищахом зело и не возможем противитися волком хищным, иже расхищати наследие Божие дерзостно тщатся. О сильнии! Понесите немощи наша, не отлучайтеся духом от нас, да не разлучимся в конец от любве Божия, но крепким заступлением вашим нас защитите, да помилует Господь всех нас, молитв ваших ради, да истребит же рукописание безмерных грехов наших и да сподобит со всеми святыми блаженнаго Царствия и Брака Агнца Своего, Емуже честь и слава, и благодарение и поклонение, во веки веков. Аминь».

17 июля. Страстотерпцев царя Николая II, царицы Александры, царевича Алексия, великих княжон Ольги, Татиааны, Марии и Анастасиии и страстотерпца праведного Евгения врача (1918).

Тропарь святым царственным страстотерпцам. глас 4

«Днесь, благовернии людие, светло почтим/ седмерицу честную царственных страстотерпец,/ Христову едину домашнюю Церковь:/ Николая и Александру,/ Алексия, Ольгу, Татиану, Марию и Анастасию./ Тии бо, уз и страданий многоразличных не убоявшеся,/ от богоборных смерть и поругание телес прияша/ и дерзновение ко Господу в молитве улучиша./ Сего ради к ним с любовию возопиим:/ о святии страстотерпцы,/ гласу покаяния и стенанию народа нашего вонмите,/ землю Российскую в любви к Православию утвердите,/ от междоусобныя брани сохраните,/ мир мирови у Бога испросите// и душам нашим велию милость».

18 июля. Обретение честных мощей прп. Сергия, игумена Радонежского, всея России чудотворца (1422).

Тропарь преподобному Сергию, игумену Радонежскому. глас 8

"От юности восприял еси Христа в души твоей, преподобне,/ и паче всего вожделел еси мирскаго мятежа уклонитися:/ мужески в пустыню вселился еси/ и чада послушания в ней, плоды смирения, возрастил еси./ Тем, быв Троице вселение,/ чудесы твоими всех просветил еси, приходящих к тебе верою,/ и исцеления всем подая обильно.// Отче наш Сергие, моли Христа Бога, да спасет души наша".

21 июля. Явление иконы Пресвятой Богородицы во граде Казани (1579 г.)

Тропарь Пресвятой Богородице пред иконой Ея «Казанской». глас 4

Заступнице усердная, / Мати Господа Вышняго, / за всех молиши Сына Твоего Христа Бога нашего, / и всем твориши спастися, / в державный Твой покров прибегающим. / Всех нас заступи, о Госпоже Царице и Владычице, / иже в напастех и в скорбех, и в болезнех, обремененных грехи многими, / предстоящих и молящихся Тебе умиленною душею/ и сокрушенным сердцем, / пред пречистым Твоим образом со слезами / и невозвратно надежду имущих на Тя, / избавления всех зол, / всем полезная даруй / и вся спаси, Богородице Дево: / Ты бо еси Божественный Покров рабом Твоим.

23 июля. Положение честной ризы Господа нашего Иисуса Христа в Москве (1625)

Тропарь праздника Положения честной ризы Господней в Москве. глас 4

Днесь притецем, вернии,/ к Божественней и цельбоносней ризе Спасителя нашего Бога,/ благоизволившаго сию плотию носити/ и на Кресте святую Свою Кровь излияти,/ еюже искупи нас от работы вражия./ Тем, благодаряще, вопием Ему:/ спаси отечество наше,/ и архиереев, и град, и вся люди/ честною Твоею ризою защити,/ и спаси души наша,// яко Человеколюбец.

Анто́ния Киево-Печерского, начальника всех русских монахов (1073)

Тропарь преподобному Антонию, игумену Киево-Печеpскому. Глас 4

От мирскаго мятежа изшед,/ отвержением же мира евангельски Христу последовал еси/ и, равноангельное житие пожив,/ в тихое пристанище Святыя Горы Афона достигл еси,/ отонудуже благословением отцев в гору Киева пришед/ и тамо трудолюбно жизнь совершив,/ Отечество твое просветил еси/ и, множеству монашествующих стезю, ведущую к Небесному Царствию, показав,/ Христу сия привел еси,/ Егоже моли, Антоние преподобне,// да спасет души наша.

28 июля. Равноапостольный Великий князь Владимир, во Святом крещении Василий (1015)

Тропарь равноапостольному князю Владимиру, во Святом Крещении Василию. Глас 1

Яко начальнику Крещения/ и кореню веры Божественныя,/ идолов разрушителю,/ блаженне княже Василие равноапостольне, вопием ти:/ слава вразумльшему тя Христу Богу,/ слава освятившему тя Крещением Своим,/ слава просветившему тобою всю страну Русскую.

Свято-Покровский мужской монастырь с. Доброе Суворовского района Тульской области принимает на послушание трудников, стремящихся к монашеству. Нужны певчие со знанием литургики, животноводы для ухода за овцами и козами. E-mail: Этот адрес электронной почты защищён от спам-ботов. У вас должен быть включен JavaScript для просмотра. Тел.: 8 953 181 37 21 игумен Антипа.